Nata gjysmëfinale e talent show X Factor ishte një ndër mbrëmjet më emocionuese të shënuara nga ky spektakël. Tashmë është bërë si traditë në edicionet e X Factor që në netët gjysmëfinale, konkurentët të kenë mundësin të këndojnë së bashku me një nga këngëtarët të ftuar të cilët vinë për ti mbështetur.
Ndër të ftuarit për të kënduar në këtë mbrëmje ishin: Flori Mumajesi, Elita 5, Juliana Pasha & këngëtari nga Italia Mario. Përshtypje më të madhe për ardhjen e tij në X Factor pa dyshim që e la Flori Mumajesi. Pasi kishte marrë ftesë nga produksioni për të mbështetur konkurenten Enxhi Nasufi, Flori këtë e kishte pranuar me shumë kënaqësi. Kështu në radhen e dytë të këngëve në spektakël ishin të parët në skenë Flori & Enxhi të cilët kishin përzgjedhur për të kënduar hiq më pak se "Fluturimi 3470", një hit i dikurshëm e që në atë kohë e kënduan së bashku Flori Mumajesi & Soni Malaj. Një zgjedhje pak e papërshtatshme kjo u cilësua nga fansat pasi që Soni & Flori kanë vite që tashmë janë ndarë, madje Soni ka krijuar edhe një jetë të re. Por Sonin mesa duket nuk e shqetësoi aspak kjo gjë madje ajo vendosi që ta injoroi të tërën me një buzëqeshje të bukur. Pavarësisht ksajë kënga doli mjaftë e bukur edhe pse Enxhi sot u largua nga gara. Javën tjetër ky spektakël do të shënojë natën finale të tij me datë 23 shkurt, ku i pranishëm do të jetë edhe burri i këngëtares Soni Malaj, Mirko Lukareni i cili do të vijë nga Italia.